مش عايزة سؤال

 مش عايزه سؤال 


إتعودت عليك تهجر و تنساني
تبعد قد ما تبعد راح ترجع تاني
سيبتك للزمن يلعب معاك لعبته
لحد ملف بيك و رجعت تترجاني
زي كل مره تروح و تغيب عني
بعد ما تنسى هوايا و تهجرني 
يرجع قلبك يفتكرني بعد غربته
تترجى قلبي يرجع إليك يا ظالمني
مش حسامحك ولا راح أرجع إليك
مش كل مره أعمل خاطر لعنيك
ده حبك سبب عذاب قلبي وشكوته
وقلبي هو إللي قالي مرجعش ليك
دوق نار الفراق وجرب عذابه
جرب نار الهجر و سنين غيابه
خلي قلبك يدوق من ناره و حرقته
جايز يفوق و يعرف إنه أسبابه
معدشي فيه بينا كلام يتقال
ولا حب و غرام للزمن ينشال
الحب اللي فات إنتهت رحلته
مات على إيديك مش عايزه سؤال


صائغ القوافي الشاعر 
فهد بن عبدالله الصويغ 
30-11-2016