جارى التحميل
استخدم زر ESC أو رجوع للعودة
المصير
عقب الغياب جاتني اليوم تعتذر
تقول بغيابها كان يعذبها الضمير
تحلف إن قلبها كان دوم منكسر
وإن القمر في بعدها إحساسه غير
تقول ما درت الكون إشلون مستمر
ولا سمعت عقب البعد ترانيم الطير
دمعها فوق سفح خدودها منهمر
تشتكي و تقول البعد عنك كان مرير
كانت بعذاب حسب قولها بالمختصر
و دايم تناظرني فوق النجم أطير
جاتني من بعد ما فقدت الصبر
وتبي ترجعني لجمال عيونها أسير
قلت لها أسف وأنا منك أعتذر
من بعد الفراق الرجوع منك ما يصير
دعيت ربي يقويني و يبقيني منتظر
لين أشوفك وأقول تراك عملتي خير
بالأمس كان ليك بقلبي كل القدر
واليوم ما عاد ليك بقلبي أي تقدير
بنيت لك فوق النجوم أحلى قصر
بغرورك تعاليتي عليه و رحتي للغير
أسف لرجعتك بالقول أنا راح أختصر
ما عاد يربطني بك أي مصير
لو أشوف الموت يحوم بك و منتشر
إنتهى مابيننا مات وردك وراح العبير
صائغ القوافي الشاعر
فهد بن عبدالله الصويغ
17-11-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش