جارى التحميل
استخدم زر ESC أو رجوع للعودة
كفاية يا دنيا
أيه يادنيا ماشبعتيش فينا فراق
فرقتي ما بين القرايب و العشاق
مش كفاية يا دنيا ولا لسه باقي
خطفت مننا الكل و فضلنا بواقي
ليه مش عايزة تسيبلنا هما لبكره
وبتضيعي فرحتنا من كل فكره
خدتي مننا كل حبيب و غالي
وسرقتي فرحنا من وسط الليالي
ليه بس مبسوطه من كتر فراقنا
بعد مالقيناهم حرقتي أشواقنا
مش كفاية يا دنيا نار و عذاب
داه من كتر عمايلك الشعر شاب
نفسي مره ألقى واحد بيك متهني
من غير نارك ما تحرقه بتأني
قد كده يا دنيا رخصنا فعنيكي
طب قوليلنا إزاي بس نراضيكي
قوليلنا إزاي نحمي حبايبنا منك
وإزاي يا دنيا نكسب حسن ظنك
كل الحبايب رحوا مع بعضيهم
ما تدينا فرصة نشبع مره بيهم
قاسية يا دنيا قوي قوي علينا
ياما سرقتي الفرح من عينينا
تعبنا يا دنيا و دوختينا معاكي
ولا إحنا عارفين طريق رضاكي
مش كفاية بقى كترتي الأنين
مش كفاية بقى فراق للغالين
يا ترجعي قوام حبايبنا لينا
يا تيجي بسرعة يا دنيا تاخدينا
صائغ القوافي الشاعر
فهد بن عبدالله الصويغ
13-11-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش