عالم إفتراضي


عجيب يا دنيا عجيب أمرك
ماشيا عكسنا طول عمرك

صارت حياتنا معاك عجيبة
حتى العاقل حياته مريبة

يحب ويكره و يكلم نفسه
يخاصم و يغضب بحسه

صار مشغول قلبه ع الفاضي
متعلقه روحه بعالم إفترضي

صرنا نشوف ناس عننا أغراب
بيوم وليله صاروا لنا أصحاب
 
نعاتبهم نكلمهم نزعل عليهم 
بقلمنا صرنا نعليهم و نوطيهم 

عجيب أمرك يا دنيا الغرور
عزلتينا و بدلتي لنا الحضور

صرنا عايشين فيك بالوهم
صار التواصل بحروف القلم

فيس و واتس و أنستجرام
والله يادنيا عليك كده حرام

عاملين فيها مجاميع للتسالي 
الشريك فيها يا واطي ياعالي

لا يوم عرفناه ولا جلسنا معاه
لا مره شفناه ولا فهمنا مبتغاه 

شيئ كده وهم و كله خيال
ضحكتي علينا زي العيال

كلنا صرنا ماشين بطوعك
ماشيا و فارده علينا قلوعك

لمتى بس يا دنيا حتخدعينا
بالوهم والكذب دايمآ تمشينا

حالك يا دنيا والله عجيب 
كل شيئ فيك دايمآ مريب

بعالم إفتراضي اليوم شغلتينا 
بعدت أولادي يا دنيا بهدلتينا

نسيتينا لمة زمان و صحبتنا
كانت حقيقية زمان ضحكتنا

اليوم الكلام صار بالكيبورد
والضحكة صارت لصورة قرد

صرنا بعالمنا فيك مساجين
وصوابعنا صارت تكلم ملايين
 
أه يا دنيا الغش و الخداع
حتى الصحبه صارت أوجاع

لا صاحب حقيقي صار يهمنا
ولا جمعه صارت اليوم تلمنا

كلك كذب ونفاق وكلام فاضي
كأنك كابوس بعالم إفتراضي


صائغ القوافي الشاعر
فهد بن عبدالله الصويغ 
7-11-2016