جارى التحميل
استخدم زر ESC أو رجوع للعودة
تمت الرسالة
ليش جايني من بعد ذيك العيارة
اللي بيننا إنتهى وكل في حاله
تحديت القلب و بعت أسرارة
والحين جاي تطلب ثاني وصاله
من بعد غيابك نفض القلب غباره
و مثلك ما عاد يوم يطاله
تغير القلب ولا لك أمل بمداره
ولو ثرى البيد إنعجنت رماله
خلك بتحديك وأصمل بمساره
ما يحكم القلب يوم جهاله
تحديتني يوم كان بيدك خياره
وجايني بعد ماقرر القلب زواله
مسكين حالك سكنت للهم داره
من بعد ما كنت للسعد خياله
ما عاد لقربك غرض ولا أماره
و أرجوك لا تعدي يوم قباله
خلك بحبس إنت عشقت أسواره
وانا بكوني فوق قمم جباله
عطيتك اللي فقدته يوم بحقاره
قبل لا إكتشف إنك حثاله
أمس قربك كنز و اليوم خساره
ما عاد لك خاطر و حق الجلاله
دمع عيني عليك كان أول مراره
و اليوم ضحكتي فخر و بساله
أشوف ذل فيك يشع بأخباره
هذا اللي قلتلك يوم بالرساله
تحقق كل ماتمنيت بسره وجهاره
وبدمع عينك تحصد للظلم غلاله
صائغ القوافي الشاعر
فهد بن عبدالله الصويغ
28-10-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش