جارى التحميل
استخدم زر ESC أو رجوع للعودة
غرك جمالك
غرك جمالك وخلاك علي تتغلى
رفعت لك شانك يوم حبيتك
تحسب إني مثل غيري أتسلى
لو على التسالي ما كان جيتك
لا تحسب جمالك هو الأغلى
كثير خلق ربي بس أنا غليتك
ربي خلق أجمل منك و أحلى
لكن القلب آختارك يوم لقيتك
أوقفت قلبي وقلت له يعلى
و يلغي من قاموسة تمنيتك
القلب من كثر الجفاف يسلى
ولو قلت له إسمك قال نسيتك
على قلبي مافي أبد شي يغلى
لك الفخر إني بيوم حاكيتك
غرورك نساك كم البطون حبلى
لجل تتفرعن علي لأني هويتك
اليوم أجمل منك للقلب تولى
وباكر إنت تعرف إشلون نهيتك
عليت قلبي وحطيتك بالسفلى
أرتقيت بحبيبي وإنت عديتك
القلب مع أمثالك إنت يبلى
لكن كفاني اليوم شر أزيتك
صائغ القوافي الشاعر
فهد بن عبدالله الصويغ
16-10-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش