جارى التحميل
استخدم زر ESC أو رجوع للعودة
من حبك
من حبك يوم لجل الجمال
يخسرك بيوم جمالك يروح
من حبك لجل كثر المال
راح ينساك لو بلغ الطموح
من حبيته لجل كثر الدلال
حيخليك بحبه دوم مجروح
خليك مرتاح دايم البال
وإسمع من مجرب النصوح
تزوج الزين بنت الحلال
اللي لا غبت عنها دايم تنوح
تشوفك بعينها سيد الرجال
و دايم لجلك عطرها يفوح
خلك من حب الأنذال
ولا تقرب صوب المقروح
تزوج بنت أصل عرقها نسال
نسلها كريم بالكون يلوح
نصيحتي لك تجنب الوبال
اللي بسبته خلاك دايم مذبوح
يازين الحب مع أم العيال
تخلي الهم عن قلبك ممسوح
حب ها الأيام صار لعبة جهال
على كل الوجيه صار مطروح
تخير للنسب و أختار خوال
تشد بهم الظهر وقت القيوح
أستخير ربك القوي المتعال
وأبعد الجهل لا تصير ملفوح
ها الزمان حبه ما يسوى ريال
الحب الصح بالحلال مرجوح
إسمع شوري و أطلب الكمال
م اللي تحفظ عرضها م الجنوح
صائغ القوافي الشاعر
فهد بن عبدالله الصويغ
15-10-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش