ماعليك منهم
تدلع يا عود ياسمين تدلع
ماعليك منهم خلهم يولون
في سما الكون إنت الأروع
خلهم حول جمالك يطوفون
من شاف حلاك ما يشبع
وصار من جمالك مجنون
تدلع بضحكتك خلني أسمع
إشلون بصوتك يسعد الكون
للحسن والدلال إنت مصنع
تدلع إنت وخلهم هم يبكون
دام الجمال ليك يخضع
عسى كل من حولك يزعلون
إنت الوحيد للكمال مرجع
وإنت القمر لو يفهمون
خلي قلوب العوازل تتوجع
و تدلع يا نور العيون
جمالهم مثل خشب متخلع
وإنت جمالك يفتن فتون
خليت قلبي لك يطبع
كلام الحب بأهداب الجفون
كلي بغرامك يا غرام متولع
قسم شبيهك ما يحصلون
تدلع بشمس عيني و تربع
تراهم للزين أبد ما يعرفون
تمايل بخصرك وتميع
خلهم بالفقر يحسون
صائغ القوافي الشاعر
فهد بن عبدالله الصويغ
6-10-2016
ساحة النقاش