جارى التحميل
استخدم زر ESC أو رجوع للعودة
راح فين حلمنا
يا ترى يادنيا راح فين حلمنا
مين سرقه من جوة عقولنا
حلمنا العربي اللي عشناه بعمرنا
مين اللي إخترع جوانا غولنا
فين محبتنا وأخوتنا راحت فين
فين اللي خلونا في الوهم نعيش
فتحوا عيونا و خلونا عايشين
في تاريخ أمجادنا زي الدراويش
ليه يا دنيا تقطعي بيدك زنودنا
وتخلينا طيور عايشه بلا ريش
ضاعت معاك كل جهودنا
وحلم العمر اللي حلمناه مفيش
حلمنا العربي من قدامنا أختفى
يا ترى راجع تاني ولا فيك تاه
حيرجع لقلوبنا وفي أيده الشفى
ولا خلاص نصرخ ونقول الأه
ممكن يا دنيا مرة واحدة تقولي
حلمنا فين وحصل له فيك إيه
اللي راحولك هما اللي شكولي
ليه ضيعتي حلمنا كده ليه
أكيد الخطأ ما كنش منك
كان أكيد يا دنيا مننا
إحنا اللي أترمينا كلنا بحضنك
و إفتكرناك في يوم أمننا
صدقيني يادنيا حلمنا لسه باقي
بس مجاش لسه لينا الأوان
في يوم راح تطرحه أوراقي
وحنحقق حلمنا اللي من زمان
حيتحقق حلمنا و نملك قوتنا
غصبن عنك يا دنيا حيتحقق
حترجع في إيدينا قوتنا
يوم ما نتوحد شمسنا حتشرق
صائغ القوافي الشاعر
فهد بن عبدالله الصويغ
5-10-2016
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش