قلب مكسور
بعد ايه جاي تدور عليه
بعد ما راح مننا وضاع
ياما قلت لك خاف عليه
وما تشتريش اللي باع
ماسمعتش ليا و عاندت
ضيعتوا مني ومنك
لما حبك إنت تقلت
ودلوقت عرفت ذنبك
راح للي يعرف يقدروا
ويخاف عليه من النسمة
لا يقسى ولا يسهروا
ولا ينزلوا يوم كلمة
جي بعد ايه تسأل عنه
بعد مابعته ونسيته
ولا عشان إكمنه
مخلص دلوقت حبيته
عيش باقي عمرك بندم
خلي اللي فات ينفعك
سيبته في عز الألم
ورحت للي بيخدعك
دلوقت ندمان على فراقه
مكان بين إيديك مسلم
دلوقت بانت أشواقه
بعد ما الشوق إتكلم
لا يا قلبي خلاص خسرته
بعنادك ضيعت هواه
اقرأ بقى اللي كتبته
وعيش على ذكراه
ياما كان بيخاف عليك
عشان كان بيتمناك
ياما كان بيراضيك
وإنت تايه في اللي نساك
بعد إيه يا قلبي راجع
بعد مافات الأوان
خليك كدة بالحب ضايع
وشوف حكم الزمان
صائغ القوافي الشاعر
فهد بن عبدالله الصويغ
9-9-2016
ساحة النقاش