عصمة القلب

عصمة القلب

سألت عنه و دورت ليالي
من هواه طار مني النوم
دايم سهران وفكره بخيالي
ومن قربه يا خلق صرت محروم
مظلوم من البعد قسم يا خالي
وفي هواه أعيش أنا مظلوم
الفكر مشغول و دمعي يلالي
ومن لمعته صار ينافس النجوم
أنوح بصوتي وأبكي بموالي
يمكن يسمع صوت نوحي يوم
بعيد عني مثل طير طاير بالعالي
مقدر أطوله و القلب كله لوم
إشلون تركته يرحل عني الغالي
من غير عهد يكون منه مختوم
صار غرامه بقلبي رسم سريالي
ملخبط وما فهمت ويش مرسوم
أعيش الحزن ودمعي لي لحالي
ما حس فيني غير مثلي مهموم
أتسائل ويش اللي جرالي
ووين الصبر على المقسوم
أرد بصوتي مدري إيش سوالي
خلاني من فراقه أعيش مكلوم
أصلآ في الحب ليه أحط أمالي
وليه أعشق وأنا بالأصل محموم
للأسف طحت يوم شفته جالي
وتدرون ما في بالعشق معصوم