تــذكـرتك

تذكرتك

تذكرتك مدري ليش
بعد سنين من الغياب
جاني بلحظة طيفك
وتذكرت أيامنا أحباب
إشلون كنت الوفي
وإشلون كنتي العذاب
تذكرت ضحكك علي
وإكتشفت حبك سراب
تصوري دمعت عيني
بعد مازال الشباب
ما قدرت أنسى جرحك
رغم العمر اللي طاب
كنت أظن إن سامحتك
لكن لقيتك غلاف كتاب
تعبني الماضي بذكرك
ويوم قررت الإنسحاب
مدري إشلون جاني إسمك
خلى عيني بلحظة ضباب
كرهت الحب من بعدك
وكرهت إنه غلاب
شفت مين إنخدع بك
وعرفت حينها الأسباب
عرفتك ليه تركتيني
وعهدك كان كذاب
فهمت ليه جرحتيني
وقفلتي بوجهي الباب
لجل الشهرة بيعتيني
ومن يومها صرنا أغراب
سألت عنك حبيت أسأل
قالوا دنيتك كلها إكتئاب
اللي حبيتي صار مهمل
وزود عليكي الأنساب
ثلاث نسوان من غيرك 
كانوا بقربه أصحاب
تذكرت جزات زيفك
وإشلون كنتي بالأهداب
مسحت دمعي ويا طيفك
وقلت لكل خاين عقاب

صائغ القوافي الشاعر

فهد بن عبدالله الصويغ