مافـي داعــي

مافي داعي

عادي ولا يهمك 
لا ينشغلك بال
تعودت على ظلمك
والحظ معاك مال

القلب تعود بعادك
ولا عاد همه ترحال
قتلته بعنادك 
ولا عاد له أمال

عادي منك تجافيني
ويش غير الأحوال
جف الدمع من عيني 
وإنت لا حتى سؤال

لا تشيل هم قلبي
خلك على حالك 
قد مات فيك حبي 
وإنت ولا على بالك

الخطأ مو خطاك
ما صدقت بيك مقال
حذروني من جفاك
وحسبتهم أنا عذال

مافي داعي تراضيني
ولا بيداعي للوصال
نسيتك ويا سنيني
الريح مايهز الجبال

يكفيني عرفت قدري 
حتى لو الزمن طال 
اليوم نفذ صبري 
ولا عاد لك مجال

ليتك ما عاد تلافيني
وترحل يابن الحلال 
كافي ما سويت فيني 
محال أردلك محال

صائغ القوافي الشاعر 
فهد بن عبدالله الصويغ