فصـول الحــب

فصول الحب

خلك معي لا تغير بخط سيرك
لا تدخل البرد بجوفي وجوفك
إهدم جدار الصمت في تعابيرك
خلك معاي لا تحجج بظروفك

ليه تغيرت بعد ما أكدت لك غرامي
قلت لي تحبني بنظرة عيونك
إشلون تبدل من قلبك هيامي
وإشلون كثرة فيك بلحظة ظنونك

كنت لي حبات المطر بليلة صيف
وبرحلة شتاء كنت لي كل الدفى
ليه تقسى علي وتعيشني الخريف
وين ربيع قلبك و وين راح الوفى

قلت لي إن حياتي بقربك كون 
خليتني أصدق إنك تحبني
بثواني مسكتني نجوم الكون
وما هقيت للحظة إنك تغشني

أسرتني بحبك واليوم تخلى عني
ليه الجرح صار بنظرات عينك 
حسبتك غلاي ليه بس تظلمني 
ليه تخلي القلب يصرخ وينك

عطيتك وفاي و كل مابي عطيتك
إلا الحزن و ألهم خليتهم معاي
لروحي و قلبي بخاطري أهديتك
وبعد الحب و الغرام هذا جزاي

مين خلاك تقسى على قلبي 
غير طباعك وخلاك اليوم تحرقني 
من غيرك ونساك طريق دربي
ليتك تقول ليت قلبك يفهمني

بعد كل الحب اللي وهبتك
تبي ترميني في زحمة دنيتي 
برموش عيني على قلبي رسمتك
بلحظة غريبة تموت فيني فرحتي

صائغ القوافي الشاعر 
فهد بن عبدالله الصويغ