الهــوجـاس

الهوجاس

كل ما دق القلب جاني طاريك
ياخذني الهوجاس و أسأل عليك
أدورك بين النجوم بدمع عيني
وإنت عايش بدنياك ناسي حنيني
تجاهلت حبي و إنت لقلبي مليك
تجاهلتني و لا كنك لروحي شريك 
قربك سيدي يحي الفؤاد و يحييني
ليه بالبعد يا نظر عيني تجافيني
إن كان بعدك عني يا غلاي يحييك 
زيد إبتعد دام البعد يا قمر يرضيك
دامك بخير يا هناي أبد لا تجيني
وأنا على فرقاك رب الكون يقويني
وإن كنت مشتاق والثقل يستهويك 
أرجوك لاقيني روحي تبي تلاقيك
كافي عذاب بعدك تراه يكويني
خلني أشوفك ولو دقايق تلاقيني
أمتع ناظري برمش عينك وأعطيك
عمري الباقي بعدك ما عاد يغويني

صائغ القوافي الشاعر 
فهد بن عبدالله الصويغ