خـد بـالك يـا بن بـلـدي

خد بالك يابن بلدي

خد بالك ياللي عايش من خيرها 
بتهد بلدك عشان بتخدم غيرها 
بتخون الحضن اللي فيه إتربيت
عمرك ما حتلقى زيها ياللي جنيت
حتجني المر لو راحت يوم بغدرك
حتهين نفسك وحتبيع فيها قدرك
بلاش تحسبها حسبة دهب و مال
دا الوطن أمان لو الزمن بيك مال
الوطن عرضك و ترابه ليك ذهب
مايخونش بلده إلا اللي عقله ذهب
حافظ عليها من الفتن وأحميها
دي هي رأس مالك بلاش تأذيها
ياللي بتجهل قيمة حضن أرضك
دي هي أم الدنيا و ترابها عرضك
ما تخليش الجهل يعمي عينيك 
ما تصدقش العوازل اللي حواليك
بيعملوك وهما متأكدين إنك جاهل
بيلعبوا بيك وبيستغلوا إنك عاطل
عايزين يدمروا مصر على إيديك
ويرجعوا بيك لزمن المماليك 
حتبقي عبد عندهم مالكش قيمة
منتا خاين بلدك و سببت الهزيمة
حافظ على بلدك و بلاش تخونها
خليك أصيل وبروحك إنت صونها
عمر المصري ما كان يوم خاين 
المصري أصيل و لأرضه صاين 
سيبك من العملا اللي ضد الجيش 
لو مات جيشك لايمكن فيها تعيش
إن عشت تعيش ذليل بدون جناح
مكسور مذلول قلبك مليان جراح
يا بن بلدي يا أصيل أعدائك كثير
بيدفعوا مليارات عشان التدمير
إصحى و صحصح و فوق للون
ما تبعش بلدك ولو بكام مليون 
خلي روحك درع تحمي بيه مصر
دي هي أم الدنيا و حواليك الغدر 
حط إيديك في إيدين ريسك
إبني بلدك و ربنا اللي يحرسك
كيد العذال و خليك مصري حر 
ولو جاك حد منهم قوله دي مصر

صائغ القوافي الشاعر 
فهد بن عبدالله الصويغ