هـمـسة شــفافـك

همسة شفافك

تكلمني عن الحب و تملك فؤادي
من كلامك أطب و يتحقق مرادي
أعشق عيونك و همسة شفافك 
تذوبني جفونك و لمسة أطرافك
كل ماكتبت جملة أكتب إسمك
بكل رمشة عين أشوف رسمك
دايم بخيالي سكن وسط قلبي 
عزني جمالك ياللي ع العز متربي
تسحرني لا نطقت بقولة أحبك
تحيني لا همست بصوت قلبك
تحرك شجوني وتحل أسري
أطير بجنوني و ينسعد عمري 
أشاور عليك و أقول محبوبي
وأصيح بالعالي شمالي و جنوبي
أبي الخلايق تعرف مين حبيبي
ومين يشعل القلب ويطفي لهيبي 
سكنت خاطري ولا لحظة تغيب
حروفك بقلبي مرسومه يا حبيب
يوم عشقتك للعمر صار له معنى
ما همني الناس ولا لهم معنى
فيك الغرام يكفيني عن الناس 
ماهزني فيك عزول ولا وسواس
أحبك و أشتاق للحظة ظهورك
ياللي غلبت الطيب بعطر زهورك
ربي كملك وخلاك للحسن مقياس
ما أجملك يا بو قلب حساس 
زيدني من الحب تراني محروم 
يوم عشقتك ميلادي ذاك اليوم

صائغ القوافي الشاعر 
فهد بن عبدالله الصويغ