من نظرة عينيك
من نظرة عينيك
رجع الماضي كله قدامي
شفت الألم وتجددت ألامي
خليتني أرجع لسنين راحت
من نظرة عينيك إشتقت ليك
============
كنت بحسب إني خلاص نسيتك
لكن نسيت الألم لحظة مالقيتك
إزاي نسيت الألم والجراح
كنت بحسب إن القلب إرتاح
رجعت أحن تاني لأيامك
ونسيت العذاب بعد سلامك
=============
رجعت للحب وللشوق من جديد
ودق القلب فرحان وسعيد
رجعت الفرحة تدق على بابي
زي زمان يا أغلى أحبابي
رجعت تاني كل الذكريات
لياليك الحلوة ويا الأهات
===============
إكتشفت إني لسه بحبك
وعمر قلبي مانسي حبك
يا أغلى من روحي وعينيا
عمري كله أديهولك هدية
لما شفتك نسيت ألامي
ورجعت تاني تحي أيامي
===============
من نظرة عينيك رجعت للحب
رجعت أغني ويدق القلب
ضيعت عمري في خصام وعذاب
ولا كأننا كنا في يوم أحباب
ياريتني شوفتك قبل النهاردة
كان سامحتك ولا العمر عده
================
يالا تعالا للحب والأشواق
وكفاية ياعمري ألم وفراق
نظرة عينيك دوبتني فيك
ولمسة إيديا رجعتني ليك
تعالا ننسى الماضي وأساه
ونرجع العمر اللي تاه
================
من زمان والقلب مشتاقلك
رغم اللي فات كان محتجلك
كان السهر عنوان عينيا
ونجوم الليل هي اللي ليا
عمري اللي عدى مشتاق لحنانك
والشوق بقلبي كله عشانك
=================
تعالى خدني ورجعني لهواك
رجعني للماضي وليالي هناك
خلينا نرجع للحب اللي فاتنا
ونخلي القمر يضحك بضحكتنا
إديني الحب ودوقني حلاوته
رجعلي الشوق ومر شقاوته
صائغ القوافي الشاعر
فهد بن عبدالله الصويغ
19-3-2016
ساحة النقاش