(((( القضــــــية ))))
مش هي دي أبدآ القضية
القضية أصدق فيكوا مين
لو صدقتك إنتي .. أخاف من الجرح
ولو صدقت كلامهم حتوه سنين
هي دي القضية .. مين الصادق مين
اللي بحبة ولا اللي قبلي عاشقين
اللي عشت معاه أحلى أيامي
ولا اللي قالوا عنه عشاقة ملايين
هي دي القضية .. أسمع لقلبي
ولا اللي قبلي مظلومين
إنتي بتحذريني منهم
و هما كمان عليا خايفين
حبك بقى بالنسبالي قضية
ماضيك قدامي بقى بوشين
بقيت محتار أختار مابينكم
والقلب تاه مابينكم الإتنين
مين الصادق في كلامة
ودي قضية مالهاش قوانين
الحب وحده مابقاش كفاية
الكلام بيوجع مافيهوش حنين
إنتي اللي كنتي صادقة
ولا هما اللي صادقين
ياما قلتي منهم إتظلمتي
وهما يقولوا كانوا مخدوعين
لو حكمت قلبي حختارك إنتي
ولو عقلي حختار المجروحين
هي دي القضية بينك و بينهم
أحكم عقلي ولا قلبي الحزين
محتاج منك إنصاف يا قلبي
ويا عقلي ياريت تكون أمين
ده حبيبي اللي أنا بحبة
ودول اللي بيه مشغولين
أصدق مين فيهم بس يا ربي
دموع حبيبي ولا المجروحين
صائغ القوافي الشاعر
فهد بن عبدالله الصويغ
12-1-2016
ساحة النقاش