(((( لا تعايرني ))))
لا تعايرني بحبك
خذ حبك و إنساني
قول اكتفى قلبك...
وصار لك حبيب ثاني
ماعلي من بعدك
راح ترد و تترجاني
بسنين عمري أعرفك
غدار وطبعك أناني
تدور عيب فيني
عشان ترضي غرورك
تطعن وتظلم سنيني
لجل تعزز مرورك
تحرق وردي وبساتيني
وتفتري علي بحضورك
دام إنك ما تبيني
إشلون كنت تبدي سرورك
كذاب من عرفتك شاقيني
وأعرف إشلون قلبك
تبي عذر فيه تجافيني
لين تنول قصدك
ثم تجي تراضيني
وتعتذر بطبعك
أعرفك معرفة يميني
الغدر دوم دربك
تبتدي و تعايرني
وتغيب عني شهور
ثم تجي تقابلني
وتعتذر مجبور
ببالك تخدعني
وأصبر وقول مكسور
تراك ممرمرني
حبك كله جور
روح لا تعايرني
مالك بقلبي مكان
قبل لا تهجرني
هجرتك من زمان
ماعاد اليوم تهمني
دربك درب خسران
لجل رغبة تهاجمني
ما عاد بيك أمان
أذكرك راح ترجعلي
وتفتح علي دموعك
تعتذر وتقدم لي
حبك و خضوعك
لا واللي كتبك لي
ما تحلم برجوعك
راح تشوف ذلي
إشلون يكسر ضلوعك
لا تعايرني بحبك
أنا اللي له حق يعاير
خسرت عمري قربك
ومن حبك خاسر
كذاب وأناني طبعك
وبيها راح أجاهر
من زمن رميت قدرك
وكنت عليك صابر
صائغ القوافي الشاعر
فهد بن عبدالله الصويغ
28-12-2015
ساحة النقاش