خلصت قصتنا
خلاص خلصت كده قصتنا
وإنتهت فيها كل حكايتنا
الفراق جي معاك مستعجل
وكأنه فرحان كده بنهايتنا
خلصت خلاص كل أحلامنا
وهي ماتت أهي هنا قدامنا
القلب وعد انه يستحمل
وياما قالها زمان بخصامنا
خلاص اللي بينا كان وراح
ومبقاش مابينا غير الجراح
كنت خايف منها و مستحمل
وهي جات و بقيت سواح
متشكر ليك نجحت بالفراق
بجد بحييك حرقت الأشواق
بس حتقدر بعدها تتحمل
أصل الفراق طعمه حراق
كنت وكنا و تاهت و ضاعت
وياما الليالي قبلنا باعت
ع الفراق كنت بتأمل
أهي دلوقت ياروحي طاعت
كانت ليالينا حلوه جميله
و لليلة الحب بألف ليلة
في لحظه كله عننا إتحول
وإتنست فينا الف ليله
محدش كان قبل هممنا
ولا يقدر حد يوم يحاسبنا
بالحب كنا إحنا الأول
و ليالي الشوق دايمآ تشلنا
الحب كان كل ماضينا
والشوق كان وحده مالينا
دلوقت خلاص بنستعجل
إزاي نسيب قوام بعضينا
فات الحب و عدى و فات
ماحفظناش عليه لحد ممات
مات قدامنا و كان متأمل
نحمي ليالينا لحد ممات
صائغ القوافي الشاعر
فهد بن عبدالله الصويغ
29-12-2015
ساحة النقاش