غصب عني



غصب عني رجعت أفكر فيك
وأسأل اللي يعرفوك عنك
طيفك يحركني ويسأل عليك
ونسيت قساوة قلبك وظلمك
رجعت تاني أسهر ونادي عليك
يمكن صدى صوتي يوصلك
نسيت الظلم وعذاب لياليك
وإفتكرت إني مشتاق وبحبك
ماعرفتش أنسى هجرك وماضيك
وإنتظرت شوق لقانا بقلبك
أسهر الليل وأنا بأفكر فيك
وأقول مصيرك يوم تجي أعتبك
أرجع تاني وأقول هو جرى أيه
خلاني أبعد قلبي عن قربك
وليه قسينا على بعض ليه
وغيرت الدنيا ظني وظنك
لو سمعت صوت قلبي في لياليه
حيقولك مسامح وخليني جمبك
خلي الشوق يفرح ويرجع لأمانيه
لما يقولك إنت مني وأنا منك
نفرح بالحب ونعيش فيه
من غير عذاب هجري وهجرك
دي الدنيا من غير حب تسوى إيه
ولو الشوق مات عندي وعندك
خلي الفرح يرجع تاني لأيامنا
ونعيش وياه حضني ويا حضنك
ننسى اللي فات ونجدد أحلامنا
لا تصد قلبي ولا أصد قلبك
نرقص على أنغام كلامنا
وتحط خدي على خدك
تعالى نحي ليالي الحب بوصالنا
ونقول للدنيا رجعنا غصب عنك
سمعني صوت الشوق ويا غرامنا
وتعالى نعيد للقلب ودي وودك
تعالى ننسى اللي فات في خصامنا
ونمشي ويا النجوم وأسقيني شهدك



صائغ القوافي الشاعر
فهد بن عبدالله الصويغ







fahadalsuwaigh

مرحبآ بك بمجلة بشرى الأدبية الإلكترونية Bouchra Electronic Literary Magazine

  • Currently 0/5 Stars.
  • 1 2 3 4 5
0 تصويتات / 9 مشاهدة
نشرت فى 22 نوفمبر 2021 بواسطة fahadalsuwaigh

ساحة النقاش

مجلة بشرى الأدبية الإلكترونية 99

fahadalsuwaigh
مجلة أدبية ثقافية تهتم بالشعر الفصيح المعاصر و القديم , وتهتم بتقديم أجمل القصائد الغزلية والوطنية والدينية وقصائد المديح النبوي الشريف . »

ابحث

تسجيل الدخول

عدد زيارات الموقع

43,291