جارى التحميل
استخدم زر ESC أو رجوع للعودة
أخذني الشوق
أخذني الشوق لجبين القمر
والمحبة على المفارق قهر
مدري إشلون صبرت على فرقاها
وإشلون بعدت عنها باقي العمر
زلزلت عمري بنور محياها
وأنا ببعدها عشقت ليالي السهر
أتذكر كل لحظه وأنا معاها
ودمعي من بعدها صار نهر
أشتاق لحضنها وأشتاق لهواها
لأن الثواني في بعدها دهر
أسهر أتغنى دوم بحسن ملقاها
وأذكرها بحاضري وبكل سفر
هي دنيتي والقلب أبد مايسلاها
لو تبي الروح تأمرني أمر
والله ثم الله الروح تفداها
هي غلاتي ودنيتي بعد النظر
أسرح بحسنها وأتمنى رضاها
ويحسدني على حبها جن وبشر
يا ناس لو تدركون قدر غلاها
ما تلوموني لا بدو ولا حضر
حبي الأول والأخير سكن رباها
والقلب يعزف لحن حبها والمطر
تدغدغ مشاعري لا جا مطراها
وتحرك شجوني بإسمها العطر
السعودية سفينة تجري بمجراها
وربانها حكيم تجاوز الخطر
ربي من فوق عرشه قد حباها
برجال يعطون حق الرجال قدر
ماهمهم نذل بلسانه قد تجناها
قد عزها ربي وزادها فخر
دعوة خليله يوم جاها وتوطاها
ومن بعده خاتم النبيين المفتخر
عزها بأهلها ومكة وطيبة رعاها
وأمن أهلها من كل جاهل فجر
عسى ربي بالمكارم دوم يملاها
ويزيد أهلها أمجاد مادام البحر
صائغ القوافي الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش