كله مغشوش 



كله صناعي
وكله مغشوش
والف قناع
لكل الوشوش

الكذب بقى طبع
لكل الناس
إلا شوية تعبوا
من الإخلاص

كله بقى
يخدع كله
والضلالي
بيبيع فله

الشكل بقى صورة
لألف صورة عدت
والحب بقى كورة
في رجلين ما اتهدت

الكلمة مالهاش
أي معنى
لا بفلم
ولا بالمغنى

أتغيرت كل
النفوس
بقى اهدفها
بس فلوس

تجميل بس من بره
ومن جوة سواد
م الصدر لتحت السره
ناسيين أن لهم ميعاد

كذب في كذب
خداع في خداع
لعب في لعب
ضياع في ضياع

يضحك قدامك
وهو كذاب
بيجاملك عشان
يكبر الحساب

فين الناس الحلوة
فين الطيبين فين
اكيد إستخبوا
من الخاينين

و أهي دنيا
ماشية بينا وخلاص
دايمآ بتورينا
أبو وش وأبو وشين



صائغ القوافي