قولي يا حلوة 



هو إنتي حلوه
كده ازاي
طب قوليلي
معموله من ايه

كنت رايح
وبقيت جاي
بقيت بغني
طيب ليه

قوليلي كلمة
طب طمنيني
شوفتي حد
عدى قصادك

حسيتي بيا
ياحلوة قوليلي
ولا الغرور
قفلك بابك

قولي بس كلمتين
فرحي قلبي بيها
ياللي خاطفه مني العين
ياريت بس تقوليها

نفسي أحب واحده زيك
تكون هي كمان بتحبني
دنا ع الدنيا خلاص حسييك
لو وحده زيك بتودني

قولي يا حلوة
يا ريت تقولي
حسيتي بيا
ولا لأ

حكتبلك غنوة
بس قولي
ريحيني من كلمة
تؤ تؤ



صائغ القوافي