جارى التحميل
استخدم زر ESC أو رجوع للعودة
توهمت حبك
توهمت إني أحبك موت
والحقيقة الفرق بيننا كبير
توهمت إنك ساحرني بالصوت
وإنك دنيتي والدرب والمصير
لين عرفت حقيقة مشاعري لك
وتأكدت إنك إنت غير وأنا غير
تأكدت إني مالي حاجة بك
وإنك ياصاحبي ع الحب صغير
من كثر شوقي للغرام جاريتك
وأعتقدت إنك للغرام أمير
تحسفت يوم عرفتك وخاويتك
يوم عرفت إنك معي كنت أجير
الندم بالحب أبد ما أعرفه
دامني ما قمت فيه بتقصير
هي تجربه عدت و كذا أوصفه
وعسى في بعدنا يكون خير
تحمل البعد مثل ماتحملت قربك
ولا تحسب إن الهوى دايم عسير
راح تلقى غيري من يقدر يحبك
ويقبل نسيم الضيم على إنه عبير
أرخيت شراعي في بحر غرامك
ومشيت على شط الأمان أسير
دور على غيري يحقق أحلامك
وخلني بسما كوني وحدي أطير
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش