مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : يا عمري هدي

يا عمر هدي 


يا عمري هدي و بلاش تجري
خطفت مني أغلى الأحباب
أيامك سريعة و بتخلص بدري
فين القرايب و فين الأصحاب
بقيت بتجري و أنا مدري
حتوقف فين في هناء ولا فعذاب
سنينك يا عمري طايرة و بتعدي
و الفرحة راحت بأيام الشباب
دموع عيني على خدي بتجري
لحلم ضايع و صار كله سراب
يا عمري حرام عليك خد بيدي
و بلاش ترميني بدرب الضباب
هدي شوية ترى نارك بتغلي
وبلاش ترميني من فوق السحاب
خليني أتهنى بليلي و بفجري
حرام تحرمني وتقفل بوجهي الباب
فين اللي كانوا معايا يا عمري
فين اللي عاشوا بقلبي أحباب
بغمضة عين بتجري وأنا على مهلي
و كنت أحسبك يا عمري كذاب
لسه بقلبي أحس ببراءة صغري
و إنت فاجئتني و ماعملت حساب
عديت على أيامي بسنين تغري
و خليتني اليوم وحيد مرتاب
أتاريك بتضحك عليا تملي
لحد مالان العظم و الشعر شاب
حيرتني يا عمر بحالي و بأمري
و تركتني بنهايتك مصدوم منصاب
كان كل اللي مالي عقلي و فكري
إني راح أبقى على طول شباب



صائغ القوافي