جارى التحميل
استخدم زر ESC أو رجوع للعودة
بتخبي عليا
بتخبي عليا ليه
مش بتقول حبيبك
حبنا جراله إيه
مين غيرلك نصيبك
كنت كل حاجة ليك
والدنيا وفرحتها
ليه نسيت ماضيك
مش كنت ليك ضحكتها
الله يا زمن الله
ع الحب اللي هان
بقينا نقول الأه
ونينسى كل اللي كان
كنا بنوزع الفرح
ع اللي حوالينا
بقى اللي فينا جرح
ساكن في عنينا
مين غيرك ونساك
كل أيامنا الحلوة
مين بس اللي قساك
وساب لينا كام غنوة
حقيقي الحب بيتغير
أيوا خلاص صدقت
كان كبير وبقى صغير
تصدق خلاص فهمت
خسارة الحب
اللي كان
و دق القلب
بتاع زمان
أيام عدت وفاتت
ليك حق فيها تخبي
قلوبنا ياما لامت
أه منها يا غلبي
زي مانسيت نسيت
إزاي كنا بيوم أحباب
جرحك خلاص داويت
مافضلش غير العتاب
أعاتبك أه أعاتبك
لكن مش حرجعلك
أخاصمك مش حأخصمك
لكن مش حأخضعلك
حبيت تفتكر معايا
إزاي كنا بنحب بعضنا
وإنك سبب شقايا
عشان وثقت في حبنا
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش