مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : أطلب عينيا

أطلب عينايا 


أطلب عينايا أديها لك هدية
وأطلب روحي ما تغلاش عليك
دنتا ياعمري الفرحة اللي حواليا
و عمري كله يا عمري ليك

لو كنت فاكر إن حبك شوية
تبقى يا وروحي لسه ماتعرفنيش
دنا عشانك بعت الدنيا ديا
وأشتريت حبك اللي زيه مفيش

أطلب روحي و خد مني عنيا
داه طلبك رخيص لو يرضيك
دنتا الحب اللي بيدق فيا
وكل السعادة في لمسة إيديك

خليك معايا ما تروحش بعيد
دا البعد بيقسي القلوب
دي الدنيا وانت جمبي تبقى عيد
و بيتحقق للقلب المطلوب

شوف الطير وياك إزاي بيغني
طاير فرحان الدنيا مش سيعاه
بيبص علينا وبغناه بيهني
كل الحبايب اللي سامعين غناه

يا سلام ع الحب و على لياليه
الكلمة منه بتفرح قلوب
دي الدنيا حلوه لما نلاقيه
والحضن فالحضن ويا المحبوب

أطلب ياقلبي وخليني في عينيك
دنا كلي ليك يا سعدي و فرحتي
إلمس قلبي بنظرة عينيك
وخلي الدنيا تسمع ضحكتي

دنا من غيرك ماليش وجود
ولولا حبك كان زماني بضياع
دنتا الدنيا و دنتا الوجود
وانت لروحي الأمر المطاع




صائغ القوافي