مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : ياحسرة عليك ياقلبي

 يا حسرة عليك ياقلبي 




يا حسرة عليك يا قلبي
لا يوم بتفرح ولا بتتهنى 
مش عارفه ايه لسه مخبي
الزمان ليا نار ولا جنة

حكايتي مع الحب عجيبة
لا تتحكي ولا ليها أوصاف 
من أولها لأخرها غريبة
تعب وعذاب مفهاش إنصاف

يا خسارة العمر اللي ضاع
وأنا أحايل فيك يا قلبي
ألم وهجر و مر و خداع
وكل حاجة بإسم حبي

سنين وليالي علينا عدت
الفرح فيها شوية ساعات
السما وطيورها علينا شهدت 
والوجع ينكتب فيه حكايات

لإمتى حتبقى عليه صابر
وهو ولا حاسس يوم بيك
إنت ليه وفي وهو هاجر
ولا بيحس بالنار اللي بيك

يا حسرة عليك ياقلبي 
ضاع عمرك في الأوهام
مش عارفه ذنبك ولا ذنبي
ولا ذنب الدنيا والأيام

ياريت تريحني وتاخد قرار
عشان تقدر تعيش مرتاح
دي الدنيا بصبرك بقت مرار
ولحظات الفرح بقت جراح




صائغ القوافي