جارى التحميل
استخدم زر ESC أو رجوع للعودة
لا تبكين
لا تبكين تراني أبد ما أتحمل
أشوف أدموعك فوق خدك
أرحميني ياللي من القمر أجمل
وخلني أشوف الفرح لقلبي يردك
تهزين قلبي بدموعك يا غلاي
والروح تشهق من كثرة غضبها
كأن الموت بدموعك صار جاي
والنار تحرق فيني من لهبها
لا تبكين ياعمري وتهزين المشاعر
تراها ترتقي النجم ببسماتك
أمري تدللي وأنا أقول حاضر
لجل ترجع فرحتي بنظراتك
يهون الكون كله وأحقق مناك
بس وقفي الدمع تراه ذبحني
مابي الكون كله من يسواك
وقفي الدمع أرجوك قتلني
الفرح والسعد مخلوق لجلك
والعمر ذاق الهنا وياك
لا تبكين أرجوك من فضلك
ترى الكون كله ياعمري فداك
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش