مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : في ليلة قمر

 في ليلة قمر




في ليلة من الليالي
والقمر بنوره
منور الكون
والهدوء 
بيملا المكان
ونسمة هوى
بتحرك أوراق الشجر
وموج البحر
بيمسي ع الحجر
قابلت حبيبي
ماشي وسرحان
لمحته فوق السحاب
بيتحدى القمر
والقمر قصاده 
من نوره دبلان 
روحت اكلمه 
يمكن يحس بيا
بص بعنيه
شوفت فيهم كلام
كلام بيرفرف حوليا 
كلام له ألوان 
حسيت بيه بيرقص
ويغني من الحب
زي عشق بتوع زمان
حاجة ماشفتهاش 
بس سمعت عنها 
كلام حب ماتقلش 
ولا يقدر يقوله إنسان 
طرت ويا حبيبي
بين النجوم نغني
من غير ولا كلمة
فوق السحاب ماشيين
بنرقص وبنجري 
ونسينا الأحزان 
نسينا إننا ع الأرض
وإن الفرح مش دايم
عشنا لحظة عمر
والقلب بالقلب هايم
نسافر من نجمه لنجمه 
ونكتب ع السحاب اغاني
حبينا من غير ولا كلمة
وبنظرة حققنا الأماني
العين قصاد العين
من غير ما نتكلم 
حبينا بعض في ثانيتين
وسلمنا من غير مانسلم 
في لحظة وداعنا 
حددنا ميعادنا 
كل ليلة من ليالي قمرنا 
نتقابل في ميعادنا 
نرقص ونغني للقمر



صائغ القوافي