جارى التحميل
استخدم زر ESC أو رجوع للعودة
تصدقي بتوحشيني
تصدقي كل ما تغيبي عني بتوحشيني
و لما ترجعي تاني و أشوفك أقرف
هو إنتي ليه عايزه بعمايلك تكهريني
في حبي ليكي عايز بس أعرف
هي دي وصية أمك وأخواتك طمنيني
ولا وصية البت ميمي والواد أشرف
دايمآ بعنيكي نظرة وحشه بتلوميني
زي نظرة واد صنايعي وبقى مشرف
نظرات حقوده كأنك بيها بتتحديني
مقدرش بعيد عن حبك أتصرف
ليه عايزه بعنادك و خناقاك تخليني
على غيرك واحده تانيه حلوه أتعرف
فين الحب اللي كان دايمآ بينسيني
كل الدنيا أيام ما جيت ليكم أتشرف
كنتي القمر اللي كان ساكن بعيني
ليه بقى شكلك غريب كده ومقرف
لما أزعل كنتي بتيجي و تراضيني
ولما أفرح كان حبك شيء منصف
إتغيرتي ليه هو عشان حبك كاويني
بقيتي تشوفيني نيله خالص و بخرف
و لا خلاص عشان ضمنتي بترميني
وبقى عاجبك غيري واد حلو محفحف
( لأ ) يا شاطرة إوعي يوم تستفزيني
دنا لسه واد مخلص و قلبي بيرفرف
لو عايزه تشوفي بعينك وتجربيني
إزاي حعرف حلوه غيرك قمر وتشرف
خليكي زي منتي قاسيه يا عيني
لحد ما تشوفي بعينك إزاي حتصرف
بس ساعتها أوعي تعيطي و تجيني
وتقولي عليا قاسي واناني ومجحف
أصل ما بحبش النكد اللي مخاويني
و الست اللي بتتعالى عليا و تتعجرف
أحب الست اللي بكلمتها تداويني
و تحسسني إني بحبي ليها تتشرف
مش زيك على كل كلمة بتأسيني
وكل ما أشوفها تشتكي و تتأفف
ملعون أبو الحب اللي بناره حيشويني
داه حب غريب عمره ما يوم يشرف
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش