جارى التحميل
استخدم زر ESC أو رجوع للعودة
مش قد الحب
جاي ليه من بعد العذاب و الضنا
تبكي في لحظة وداع
ليه بتستمتع بعذاب عمرنا
مش كفاية العمر اللي مننا ضاع
بتقول ليه العاشقين كده ظالمين
وليه ظلم الحب بقى بدنيتهم
دا العمر كله يوم ولا يومين
ليه بيمشوه كده في حيرتهم
كل عاشق ياما داق عذاب الحب
بلاش نكذب تاني على بعضينا
ليه قبل ما تغرق فيه و تطب
ليه مابصتش ع اللي حوالينا
بلاش تظلم حبي تاني بكلامك
ياريت تقول انك مش قد الحب
بكثرة عتابك وبظلم خصامك
ظلمت الحب ويا القلب
مش داه الحب اللي قريناه
ولا هو اللي كنا يوم بنظنه
داه حبك انت اللي ملتني بأساه
اللي غاب الفرح والهنا عنه
العمر معاك ضايع بعذاب و غيرة
مكتوبين عشاق ومحناش عشاق
كله عذاب و أسى و حيرة
وحب ضايع من غير أشواق
جاي دلوقت تدور عليه
طب ليه وكنت فين من زمان
ماتحاولش خلاص مش حتلاقيه
كان زمان وبقى في خبر كان
زي ما نسيت تقول كلمة بحبك
الحب هو كمان قدر ينساك
زي مانشغلت دايمآ عنه ببعدك
قدر يبعد عنك ويقتل هواك
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش