جارى التحميل
استخدم زر ESC أو رجوع للعودة
شيبت يا يمه
شيبت يا يمه وقد إنحنى الظهر
والعمر قرب يوصل لأخر السطر
ماعاد الظهر اليوم أبد يتحمل
وعمري بيمشي علي والقوة للقدر
سنين عدت يمه بأساها وفرحها
وباقي لي سنة أو يوم أو دهر
يمكن تكون أخر قصيد لحرفي
و يمكن أعيش يمه لأرذل العمر
أحمد الله إن بدنيتي قد تهنيت
وإن لي مثلك يا يمه بها أفتخر
كل مابي النفس بقربك قد تحقق
بفضل دعاك جاني الخير مطر
يديمك لي ربي يا غلاة القلب
ويجعلك لي ربي دوم دوم زخر
أغفري لجنينك يمه كل خطاياه
و سامحيه إن أغضبك ولو بالنظر
أغفري لي جهلي إن خطيت بيوم
يازين المحبة و يازين عطر الزهر
دايم بعيني مكانك عالي و فوق
أعلى من الشمس و فوق القمر
أعذريني يا يمه إن قصرت معاك
تدري صعب رضى الأم على البشر
لو أشعل عيني لك يايمه شموع
ما وفيت أبد حقك يا ضي النظر
من لامني بحبك تراه محقوق
مادرى غلاك بقلبي وبقلبه ما خطر
بدر الناس ترى يايمه لهم كوم
وإنت كوم لحالك لأنك لي بدر
مقدر على شكرك يا ضي النجوم
ولو كان حبري مداده من البحر
أدعي الرحمن تقبل عذري لخطاي
إن خطيت عليك يمه أرجوا العذر
إنت الحياة و انت فرحة الروح
يحفظك لي ربي دوام الدهر
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش