جارى التحميل
استخدم زر ESC أو رجوع للعودة
إتغيرت عليا
إتغيرت عليا و إتغير حبك
و إتغير غرامك اللي عرفته
ما بقاش قلبك هو قلبك
مش دا القلب اللي عشقته
بقيت حد تاني ما عرفوش
بنفس صورتك لكن حد تاني
غريب عن قلبي ماحبتوش
قدرت أنساه قوام بثواني
كنت فكره عمرك ما حتتغير
لكن إتغيرت زيك زي الدنيا
كنت خايفه في يوم أتحير
واللي خفت منه شوفته بعنيا
مش غريبة تنسى اللي بينا
كتير قبلك وعد و موفاش
ياما قالوا لحبايبهم اللي قلنا
وطلع كلامهم مايسواش
قليل اللي للعهود صانوا
وداروا على حبايبهم بعنيهم
بس خسارة دول زمان كانوا
مفيش منهم كان بسنا إيديهم
خليت قلبي و روحي عشانك
وبرضة ماتمرش فيك
خليت زماني هو زمانك
وإنت خليتني عبء عليك
غيرت نظرتي بحبك للدنيا
بعد ماكنت زمان فرحانه بيها
بقت نظرتي ليها نظرة تانية
لا هي ليا ولا أنا ليها
زي ما تغيرت أنا إتغيرت
وعرفت الدنيا على حقيقتها
ماكدبش عليك بظلمك إتأثرت
لكن شكرآ و ريتني مأسيها
إنت حد تاني غير اللي حبيته
حد علمني الغدر و الأحزان
من يوم شوفته بقلبي حسيته
حد عمره ما كان يوم إنسان
لابس الف قناع و قناع
عايش دنيته باللعب أناني
تحت ويش الطيبة خداع
ظالم و قاسي و غدار وجاني
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش