جارى التحميل
استخدم زر ESC أو رجوع للعودة
أيام وبتعدي علينا
في يوم من الأيام
حنبقى كلنا ذكرى
وكأننا كنا أوهام
ووجودنا كان فكره
حيفتكرونا الغالين
ويفتكروا أوقاتنا معاهم
حيتذكروا عمر السنين
وإزاي رحنا وفتناهم
ياترى يا زمن العجايب
مين اللي حيزعل علينا
مين اللي أفتكرناهم حبايب
ومين اللي إشتاقوا لليالينا
كلنا رايحين لقدرنا
كلنا حنسيب هنا أحباب
بس مين اللي حيفتكرنا
وحيفتكر إننا كنا أصحاب
مهما طال الزمن ماشين
في سكة ملهاش نهاية
حنعدي سنين وسنين
بعد ما خطينا البداية
أهي أيام كانت وفاتت
عدت علينا زي الثواني
قلوب حيه وقلوب ماتت
مش حنرجع ليها تاني
ياترى حتكون ايه ذكرانا
حلوة ولا كانت عليهم مرار
حنفوز في يوم خطانا
ولا حتحرقنا أخرتنا بالنار
ياريتني أعرف مشاعرهم
وأتأسف من المظلوم
ياريتني أقدر أسمعهم
لما دعوا عليا في يوم
مليش باليد حيله
دنيتي كانت كده وكده
عدت وكأنها ليلة
لكن الحمدلله رضا
يارب إرحمني يارحيم
وعدي اللي فاضل على خير
إنت يارب عظيم وكريم
وأنا عبدك يارب وفقير
عارف أنها أيام وبتعدي
و إن العمر مهما طال حيخلص
العمر زي القطر لا بيهدي
لا بيزيد ولا بينقص
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش