جارى التحميل
استخدم زر ESC أو رجوع للعودة
كنت فين
كنت فين لما كنت بحبك
ولا فين لما كنت بخاف عليك
سيبتني لما كنت جمبك
وكنت دايمآ بشتاق لعنيك
جاي دلوقت تقول بتحبني
طب عاوزني أقولك إيه
بعد سنين جاي تاني تهزني
ما تقولي راجع تاني ليه
مش حصدق تاني قلبك
ولا حصدق أن الحب جابك
جربت زمان نار حبك
وماقدرتش أنسى عذابك
كل اللي نسيته أنا فكراه
ولسه في قلبي بيوجعني
آزاي عايزني بس أنساه
ولسه شايفه عينيك بتخدعني
إن كان حبي صحيح رجعك
إشرب من صبر مراري
عيش بيه خليه يوجعك
عشان تعرف عذاب قراري
لا يوم حقدر أنسى حبي
ولا يوم أقدر أنسى أسيتك
دنتا اللي سببت وجع قلبي
وخليتني زمان لعبتك
بتقولي أنسى طب إزاي
وعذاب الحب مايتنسيش
دا اللي راح اكتر من اللي جاي
ياريت تنسى وتسيبني أعيش
خليك ذكرى بحلاك ومرك
بلاش تعيد الجرح تاني
خليك باقي بقلبي كلك
بلاش أقول عنك أناني
إنكتب عليك تبقى ذكرى
تتجدد في لحظة ذكريات
خليني أعيش وعندي فكره
إن حلاوة الحب شوية أهات
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش