جارى التحميل
استخدم زر ESC أو رجوع للعودة
تصور حبيبي
مدري ليش
كل ما أشوفك أبتسم
ويزداد دق قلبي فيني
مدري ليش الفرح
على وجهي يترسم
وأحس إنك فرحة سنيني
كأني ملكت الكون
وزهور العشاق بيميني
أدري أحبك بجنون
لكن مدري ويش فيني
يهتز قلبي بشوفتك
وتحتاس فرحتي بعيني
أحس كل دنيتي طلتك
ويتحرك فيني حنيني
لا سمعت صوتك أتحير
كأن نجوم السما تحييني
دنيتي كلها تتغير
والسعد والفرح يجيني
مدري ليش يتغير شعوري
وتزين أيامي وسنيني
تخيل تزهر شطان بحوري
وتملكني رعشة إيديني
تصور حبيبي بس تصور
أحس القمر لجلك يراضيني
والكون بالزهر يتزهر
والطير طاير حولي يجاريني
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش