مجلة بشرى الأدبية الأليكترونية - الشاعر الكبير / صائغ القوافي - قصيدة : روقي يا دنيا

 روقي يادنيا 




دنيا و بتعدي بينا 
في بحر الشوق سفينه 
ماشية من غير مراكبي 
لا ليها مرسى ولا مينا

ضحكتها ضحكة غدارة
رامية في بحرنا سنارة 
علقنا فيها أنا وصاحبي 
والغدر عندها شطارة

لا بتحس فينا يوم
ولا بيهمها مننا لوم
أه منها ياناس ياغلبي
في بحرها معرفش أعوم

غرقانين وملفوفين بشباكها 
ولا حد مننا قادر يملكها 
أه ياناس مش قادر أخبي 
شرب دموع عينيا سمكها

ع الحلوة والمره عايشين
صابرين في دنيا الخاينين 
ياريتني اعرف ايه ذنبي 
تعبت وتعب دمع العين

يا دنيا خفي بقى وروقي 
بلاش في بحرك بينا تسوقي 
إحترت معاك واحتار قلبي
متى يادنيا بس تروقي





صائغ القوافي