جارى التحميل
استخدم زر ESC أو رجوع للعودة
ليه بتعاكسه ياقلبي
إستنى ياقلبي إستنى
بالحب شوية إتهنى
ليه توقفله كده على غلطه
دنا ياما للحب بتمنى
ليه بتقسى كده عليه
إديلوا فرصه تحس بيه
بلاش تتجبر عشان غلطه
حرام عليك تظلم عينيه
ضحي شوية أو كتير
طول عمري عرفك ياقلبي كبير
ماتبئاش حراق زي الشطه
خلي شوية قلبي عندك ضمير
طول عمره الصبر جميل
والثقل صنعه بس طويل
خلينا نجرب الحب مره
يمكن نسمع غنى ومواويل
حس بكلامه ياقلبي حس
شوف عينيه مليانه همس
إديلوا ياقلبي فرصه مره
بلاش تدايئه من غير نفس
خليك معايا ودوق الحب
دا الحب نعمة لأي قلب
خد بالك من عينيه السمره
طب ليه بتعاكسه ياقلبي طب
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش