مجلة بشرى الأدبية الأليكترونية الشاعر الكبير / صائغ القوافي - قصيدة : سلطاني و مذهبي

 سلطاني ومذهبي




قال لي تفضل قول ويش تبي
قلت أبي الحب يكون بإخلاص 
قال موجود الحب لكل من يبي
قلت أسف حبكم بلا إحساس
حبكم مصالح لكل غدار و غبي
وأنا أبي حب يوزن لي الراس 
حب يسعد خاطري ويحقق مطلبي
مابي حب غدر و مردده انجاس
أبي اللي يحبني يقود لي مركبي 
و يلف بيني الكون بلا حراس
يسعد بغرامي و ما يكون لولبي 
ولا يجيبلي الهم و يسقيني الباس
قال أمرك عجيب إنت تبي نبي 
قلت لا أبيه وفي بكل الحواس
أبي مخلص يحقق لقلبي مأربي 
يريحني من الهم ومن الهوجاس 
لا شفته يكون سلطاني ومذهبي 
يحمل رايتي وينقي لي الأنفاس
يغير كوني بشرعه ولا يختبي 
يكون بغرامه لي دوم متراس
أبيه لا لعب يلعب بس ملعبي
ولا حبني يكون للقلب دوم نواس 
أبيه يكون لي طعامي و مشربي
ولا يكون لقلوب الخلايق كداس
هذا الحب يا صاحبي اللي أبي
بشرع ربي يكون بغرامه لي لباس
قال صعب لكن عليك تدور مغربي
يمكن تلقاه و يكون لك بالمقاس
قلت بلقاه أكيد و حيكون مكسبي 
لو لقيته راح يكون للقلب مغراس
سمعت عشق المغاربة عشق أبي
فيه الوفا و الإخلاص بلا مقياس 
ليتك تدعي القى عشقي ومطربي
قال أسأل الله تلقاه بين الأجناس 
قلت بأمر ربي راح القى ملهبي
وراح يكون أصيل كحجر الماس
أحقق له كل ما يتمنى وكل مايبي
لجل إخلاصه بالحب بلا وسواس



صائغ القوافي