البشر أنواع
![](https://b.top4top.net/p_1000sax9b3.png)
عشت عمري ياصاحبي بين الناس
أشوف البر و أشوف فيهم الخناس
بعين تراقب و تشوف أحوالهم
ألين عرفت الحر من الدساس
البشر أنواع بنساءهم و رجالهم
فيهم المخلص و فيهم الأنجاس
الشكل متشابه بإختلاف ألوانهم
فيهم الفهيم و فيهم عديم إحساس
فيهم إللي تعتز بمعرفة أخلاقهم
وفيهم إللي مقامة نعل بمداس
لا تحتار مين إللي إنت تختارهم
إختار أفضلهم ما بين الجلاس
الكريم يحفظ سرك بقلب دارهم
و الخسيس يفضحك ولو بحراس
لا تختار ضباع تمشي بركابهم
ترى الغدر طبعهم ويجري بالأنفاس
خليك واعي وواقف على راسهم
تراهم عصابة فقر و شلة إفلاس
أتوخى يا صاحبي من إجرامهم
و أبتعد بعد الصين عن مدراس
إختار لك أوفياء يغطوك بثيابهم
و لا يكشفوا سترك ما بين الناس
بعض البشر مكتوب على بابهم
الغدر طبعهم و قربهم لك إنقاص
دقق ترى خلف الإبتسامة أنيابهم
وإحذر الخائن ترى ضربته فاس
لا يغرك دمع التماسيح بأجفانهم
تراهم للغدر تاج و للخيانة مقياس
أبعد يا صاحبي عن ظلمة غارهم
وأرفع دارك ولا تنسى قوة الساس
صائغ القوافي
ساحة النقاش