الحجر والبحر يبكي 



لقيت الحجر بيبكي حرقه بدمع عينيه
و البحر بيلطم و بيندب على خدوده
سألتهم متعجب مالكم هو جرالكم أيه
قالوا الحر الأيام دي بينكروا وجودة
قلت شيء عادي و إنتوا زعلانين ليه
الدنيا كده وكل واحد حيلاقي موعوده 
داه كل نبي داق الهم في مشوار مشيه 
وهما أفضل خلق الله و راعو حدوده
داه ياما الحر شاف عذاب قيود تأذيه
لكن عشان حر قدر وحده يكسر قيودة
إستعان بربه لما عرف إن ربه حاميه 
حقق له ربنا مراده و أرسل له جنوده 
إوعى يا حجر و يا بحر تنسوا خوافيه
داه ربنا اللي ملك كونه و كل شهوده
إهدى انت وهو أمر ربك و لازم يقضيه
بلاش تتدخلوا في حكمه و بفروضه
الدم واحد وكل البشر يعرف مراسيه
بلاش إنتوا بس تضيعوا عليه مجهوده 
سيبوه في دنيته يعافر لحد مايلاقيه
ساعتها كل واحد حيعرف حد موروده
إتفائل يابحر وياحجر وعدوا بس لياليه
كله حينقضي ولا حيبقلنا غير وجوده


صائغ القوافي