((( الضياع )))
***********
تيجى أو تروحى
او بالاحزان تبوحى
مخلاص مبقتش فارقه
م اليوم ده خسرت روحى
_____________________
شوفى عيشت إزاى معاكى
عيشت احلم بيوم لُقاكى
كنت فرشك
كنت بردو كمان غطاكى
كنت عايش ف الحياه
كل همى كان رضاكى
____________________
السنين مَرت عليا
والحقيقه ف عينى بانت
كنتى عايشه بدور ضحيه
فجأه روحى عليكى هانت
كُنت بوفى بدون حساب
ولمشاعرى هى خانت
___________________
أعمل ايه بالله عليكم
بِعت نفسى قُلت اشتريكم
لقيتنى بقيت غريق
والغرق كان من ايديكم
___________________
م النهارده خلاص بقولها
إن بصراحه الوقت فات
والكلام إل ف عنيا
حب يصبح ذكريات
قلبى كان عايش بينبض
مره واحده لقيته مات
___________________
حتى روحى إتمردت
طلبت تعيش لحظه سكات
حتى روحى اتمردت
طلبت تعيش لحظه سكات
***************
بقلم الشاعر
عبد المنعم خفاجه
01288303100