(((انا العامل )))
*************
انا العامل انا الشقيان انا المظلوم
انا ال عشايا من تعبى بيكمل نوم
انا ف بلدى
عايش سجان عايش المسجون
انا برفع شعار بلدى 
بعليها وببنيها
وكل يومين 
اناديها وواسيها
تنادينى 
تقول يا ولادى 
أنسى عنادى 
واحميها 
انا عايش 
انا ساكن اراضيها 
بتعلّى لفوق 
بتنسانى وتعزلنى 
ودا إحساس بيكسرنى 
انا التوب ال مش مغزول 
ووقت الحاجه تغزلنى 
انا رافض اكون منسى 
تكونى ف حضنى وبتنسى 
كفوف ايدى ال رافعاكى 
دا انا بتغطى بسماكى 
وقلبى بردو يهواكى 
ودمى بيجرى ف حشاكى 
انا مين ليا الاكى 
ياريت تشوفينى من تانى 
وايدك تبقى رافعانى
انا تايه 
وانتى سكنتى وجدانى
انا ال بقوم ف نص الليل 
انا ال اتهد منى الحيل 
انا ال عشقت وانتى دليل 
انا ال ف جسمى يجرى النيل
لا يوم تيجى 
تخلينى كسير وزليل
انا ال نجومى مبتسمه 
وراسمه على الخدود بسمه
اقول دا نصيب ودا قسمه
انا العامل انا الشقيان انا المظلوم 
انا ال عشايا من تعبى بيكمل نوم
*****************
بقلم الشاعر 
عبد المنعم خفاجه