Khalid Hamaky
الله عَلى حِلو الكَلام
يا طيب ولَملِم فى السما اجمل حمام
يا شوق لعاشق مد أيدو للسلام
يا صدفه حلوه جاتنى فى وسط المنام
يا نور وشَق فى الطريق يمحى الظلام
يا شقشقه عصفور وهايم فى الغرام
يا حلم شفتو بيترسم فوق ع الغيام
يا قمر بيأنس وحدتى إظهر أوام
يا نجوم تداعب بسمتى والفرح دام
يا شمس هلى ورحبى وفكى الزمام
انا وحبيبى جينا منتظرين هيام
مستنين البحر يضحك أه يا سلام
لملم بموجو فرحتى والحب دام
مستنى ايه يا بحر نفسى ف ابتسام
نفسى أضمه واطير لفوق زى اليمام
ولا هاعيش بقيت حياتى عايش والسلام
من غير حبيب من غير سلام من غير كلام
الله على حلو الكلام
حتى الفراش فوق الورود ميل ونام
دا من جمال طلتك زال الملام
زال التعب وزاد فى قلبى الاحترام
اما الكلام بيرسم حروفو بالتمام
حتى الكلام بيتبعك فى الجلوس والقيام
لملم حروفو من كسوفو وقال حرام
الله على حلو الكلام
بقلم الشاعر
عبد المنعم خفاجه