((هَزَليات شاب))
**************
هافضل أحبك وتحبينى
بس جواز أرجوكى إنسينى
أوعى ف مره تيجى تقولى
أنا وياك عمرى وسنينى
أنا مش عايز اى جواز
ولا ولعه بنار البوتاجاز
ولا محتاج لسرير هزاز
ولا يا حبيبى انا جيبت جهاز

هافضل أحبك وتحبينى
بس جواز أرجوكى إنسنى
شوفى يا حبيبتى أنا وياكى
زى الطير طاير ف سماكى
زى الزهر ف إيدك باكى
لو تنسينى راح أكون شاكى
بس تقولى جواز هانساكى

هافضل أحبك وتحبينى
بس جواز أرجوكى إنسينى
أنا مش عايز اى هزار
ولا واحده وقاعده ف الدار
لما أدخل تعملى حوار
وتقعد تنقل فى الاسرار
زى مزيعات الاخبار

هافضل أحبك وتحبينى
بس جواز أرجوكى إنسينى
أنا كده عايش زى الفُل
قلبى ف حبك عُمره ما مَلْ
بس جواز هايجبيلى السُل
وتبقى العيشه مرار على زُل
هافضل أحبك وتحبينى
بس جواز أرجوكى إنسينى