<!--
<!--<!--
سندس
صوت من صدرى بيصرخ فيا
سندس روحى وكل حياتى
هى حبيبتى وضى عنيا
سهرت ليالى افكر فيها
اصواتها نغمات حنيه
زى طيور الصبح تشقشق
ترسم نور ايامى الجايه
ترسم خط بدايته بكلمه
ونهايته احضان عفويه
سهم عنيها يشق ف صدرى
بسماحه وبحسن النيه
هى امل مرسوم فى طريقى
هى حبيبتى وهى اخويا
وهى صديقى
سندس صوره ومش مرسومه
دى حقيقه وكمان معلومه
دى لما ترن
قلبى يحن
وأعصابى للحرب تشن
ومش فارق وياها السن
كل املها فى قلب عفيف
قلب وخالى من التزيف
قلب يكون احساسه نظيف
مش قلب مليان تخاريف
وإحساسه بالحب مخيف
صوره سندس جوه بالى
ودايما بسهر ليها ليالى
انا مش عارف ايه الـ جرالى
وياها انا اتغير حالى
وبقيت عايش حلم خيالى
انها تبقى كل امالى
وأشوفها هنا واقفه قبالى
سندس لما تهل عليا
فرح الدنيا بيملى عنيا
وكل الطير بيطير حوليا
سندس فرحه سندس حب
كلمه بقولها
قلبى فى حبها طب
