(( عيونك ))
عيونك كل اوطانى
وعمرى وفرح ازمانى
لو ابعد يوم هاكون جانى
دا ليكى الخطوه وخدانى
تنشلنى من بحر احزانى
والموجه ليكى رفعانى
بترسى ببر شطأنى
ومركب ليكى رَسَانى
لقيتك عمرى انا التانى
لقيتك حرف فى لسانى
لقيتك انتى عنوانى
*******
يا عمرى وفرح ازمانى
لو ابعد يوم هاكون جانى
خلاص الحزن ينسانى
يا ضمه فى قلب وجدانى
يا دمى جوه شريانى
يا هزه قلب بيعانى
تعالى شوقى وحدانى
بيقطع كل اركانى
ويعصف شوقى وكيانى
ف سكه مش بترعانى
ولا بتصحى اجفانى
تعالى دا حزنى اعمانى
يا عمرى وفرح ازمانى
لو ابعد يوم هاكون جانى